As primeiras nocións de debuxo impartiullas o seu pai Plácido Zuloaga, e desde moi mozo afloraron a súas habilidades coa pintura. O seu primeiro cadro pintouno á idade de 17 anos, e acabou sendo un dos máis importantes pintores españois de finais do século XIX e principios do XX.
A súa formación escolar desenvolveuse cos xesuítas en Francia e completouna en Madrid, Sevilla, París e Roma. Ignacio Zuloaga fuxiu do impresionismo imperante en Europa. Foi un pintor sobrio, que empregaba cores nas que predominaban os tons escuros ou apagados.
